Арба, тәгәрмәстәре, тәртә, ат (йомаҡтар)

1. Дөбөр, дөбөр дөбөрләй,
   Дөбөрләүгә бар дүртәү.
   Ҡуштан ағаһы икәү,
   Шибан ағаһы шыпа яңғыҙ.
2. Дөбөр-дөбөр дүртәү,
   Ишәй ағай икәү,
   Шибай ағай шыпа яңғыҙ.
3. Дөбөр-дөбөр дүртәү,
   Дөбөрсөгө менән бишәү,
   Ишәй ағай икәү,
   Ҡушай ағай шыр яңғыҙ.
4. Дөбөр-дөбөр дүртәү,
   Иван ағай икәү,
   Йыуан ағай бер үҙе.
5. Дөбөрлөгө дүртәү,
   Дөбөрсөгө бишәү,
   Шаһибап ағай икәү,
   Шәһәүәл ағай бер үҙе.