Робинзон сәйе

Робинзон сәйе

Робинзон сәйе өсөн үҫемлектәр

• Турғай еләге, Земляника лесная(япраҡтары)
• Шартый еләк, Клубника(япраҡтары)
• Ағас еләге, Малина (япраҡтары)
• Әлморон, Шиповник(япраҡтары)
• Сейә, Вишня(япраҡтары)
• Боланут, Кипрей узколистный(япраҡтары, бутоны)
• Ҡара көртмәле, Черника(япраҡтары)
• Ҡарағат, Смородина(япраҡтары)
• Кесерткән, Крапива(япраҡтары)
• Мәтрүшкә, Душица обыкновенная(япраҡтары, сәскәләре)
• Һары мәтрүшкә, Зверобой продырявленный(япраҡтары, сәскәләре)
• Аҡ мәтрүшкә, Котовник (япраҡтары, сәскәләре)
• Кейәү үләне, Тимьян (япраҡтары, сәскәләре)
• Йүкә, Липа (япраҡтары, сәскәләре)
• Мелисса лимонная (япраҡтары, сәскәләре)
• Бөтнөк, Мята (япраҡтары, сәскәләре).

Сәй әҙерләү ысулы

• Бәҫәртеү:сәй өсөн үләнде 5 сантиметрға тиклем ҡалынлыҡта, бер тәүлек тирәһе күләгәлә һулытып, бәҫәртеп һалып ҡуялар.
• Ыуыу: Саҡ ҡына һуты сығырлыҡ итеп ыуалар.
• Ферментлаштырыу:ыуылған үҫемлетәрҙе 5 сантиметрға тиклем ҡалынлыҡта йәшниккә йәки табаға һалалар, еүеш сепрәк ҡаплап, 6-10 сәғәткә 26°С температурала тоталар.
• Киптереү: ферментлаштырылған үләнде 100°С температурала 40 минут тирәһе киптерәләр (мейестә, духовкала).

Сәйҙе бер үҫемлектән йәки бер нисә үҫемлекте ҡушып эшләргә була.

Айырым ҡулланып булғандары:

• Турғай еләге, Земляника лесная(япраҡтары)
• Шартый еләк, Клубника(япраҡтары)
• Ағас еләге, Малина (япраҡтары)
• Сейә, Вишня(япраҡтары)
• Боланут, Кипрей узколистный(япраҡтары, бутоны) — капор сәйе исеме менән билдәле.
• Мәтрүшкә, Душица обыкновенная(япраҡтары, сәскәләре).

Ҡушылмаларҙы төрләндереү өсөн (әҙерләү мәлендә ниндәй үҫемлектәр булыуына ҡарап эшләнә) һәм дарыу итеп ҡулланыу маҡсатында( махсус үҫемлектәр өҫтәлә) эшләп була.

Мәҫәлән, әҙ ҡанлылыҡтан сәй составы:

• Турғай еләге, Земляника лесная(япраҡтары) — кобальт, тимергә, фолий кислотаһына бай.
• Шартый еләк, Клубника(япраҡтары) — тимергә, фолий кислотаһына бай.
• Ағас еләге, Малина (япраҡтары)— фолий кислотаһына, В12 витаминына (цианкобальтамин) бай. Тимер, баҡыр иондары сығанағы.
• Әлморон, Шиповник(япраҡтары) — фолий кислотаһы, кальций, тимер, баҡыр тоҙҙары сығанағы.
• Сейә, Вишня(япраҡтары)— фолий кислотаһы, тимер, баҡыр иондары сығанағы.
• Боланут, Кипрей узколистный(япраҡтары, бутоны) — кальций, тимер, баҡыр тоҙҙары сығанағы.
• Ҡара көртмәле, Черника(япраҡтары) — кальций, тимер, баҡыр тоҙҙары сығанағы.
• Ҡарағат, Смородина(япраҡтары)— кобальт, баҡыр, тимер сығанағы
• Кесерткән, Крапива(япраҡтары)— тимер, кальций тоҙҙары, викасол сығанағы
• Туғай клеверы— В12 витаминына бай (цианкобальтамин).
• Ҡандала үләне, Донник лекарственный(сәскә, япраҡтары) — кальций, тимер, баҡыр тоҙҙары сығанағы.
• Ҡара мышар, Арония — тимер, баҡыр иондары сығанағы.
• Крыжовник (япраҡтары) — тимер, баҡыр иондары сығанағы.