Рогаликтар (асығауыҙ)

Рогалики (асығауыҙ) • 0,5 л. һөт • 2 ҡалаҡ ҡомалаҡ әсеткеһе, магазиндыҡы булһа ла ярай • Кәрәгенсә он • 3 аш ҡалағы шәкәр ҡомо • 1 сәй ҡалағы тоҙ • 2 йомортҡа • 1 сәй ҡалағы май - таба майлар өсөн • 1 ҡап маргарин (200 г) Әҙерләү ысулы Һөттө йылытып алырға ла, әсетке һалып, бер аҙ он өҫтәп болғатырға, шыйыҡ маса килеп сыға. Йылы урынға өҫтөн ҡаплап ултыртырға кәрәк. Ярты сәғәттән ҡабарып сыҡҡан ҡамырға йомортҡаны һытып һалабыҙ, маргаринды йомшарғансы йылытып алып һалабыҙ (ҡаймаҡ йәки һыйыр майы булһа бигерәк яҡшы). Шулай уҡ шәкәрҙе, кәрәгенсә тоҙ һалып, ҡаты ғына итеп ҡамыр баҫабыҙ. Ҡамырҙы йылы урынға ҡабартырға ҡуябыҙ. Ҡамыр күтәрелгәс уны тағын бер тапҡыр тасҡап төшөрөргә һәм ҡабат ҡабартырға ҡуйырға була. Ул саҡта ҡамыр тағы лаяҡшыраҡ була. Ҡамыр ҡабарып сыҡҡас, таҡтала 0.5 см ҡалынлыҡта йәйәбеҙ, уны өсмөйөшләп киҫеп сығабыҙ. Өсмөйөштөң нигеҙе яғынан башлап ҡамырҙы төрәбеҙ һәм ураманы табаға теҙеп һалабыҙ. 15-20 минут самаһы ултыртып ҡуйып ҡабартабыҙ. Унан 200 С духовкала йәки мейестә 25-30 минут бешерелә. Бик тәмле, туҡлыҡлы ҡамыр аҙығы әҙер. Был ҡамырҙы төрлө эслек һалып бәлеш итеп бешерергә лә була.

Categories: • Wb/ba/Башҡортса • Wb/ba/Алфавит буйынса рецептар • Wb/ba/Ҡамыр аштары