Трактор (йомаҡтар)

1. Ат түгел, кешнәмәй,
   Йөҙ аттан кәм эшләмәй.
2. Баҫыу буйлап юрғалай,
   Үҙе йөрөй тыр ҙа тыр,
   Йә, был нимә, кем әйтер?
3. Ашамай ул бесәнде,
   Ҡапмай ул һаламды.
   Үҙе китә һөйрәтеп,
   Ун бер төрән һабанды.
4. Бесән ҡапмай, һоло ҡапмай,
   Торған ере ҡап-ҡара.
   Эшкә тиһәң — айыумы ни,
   Бар донъяңды аҡтара.
5. Батырып ала, айҡап ала,
   Эҙе йомшарып ҡала.
6. Ер өҫтөндә ҡара ҡарға
   Юлы ҡарайып бара.
7. Кешнәй-кешнәй ер ҡыҙыра
   Ҡара айғыр колхозда.
8. Оло танау ҡара үгеҙ
   Ерҙе йыра аяуһыҙ.
9. Бер айыуҙа биш балта,
   Балталарын ергә сапһа,
   Ҡара ерҙе ҡабарта.
10. Бәһлеүән китеп бара,
    Ерҙе киҫәккә яра.
    Ни ҡушһаң, үтәй шуны,
    Кем генә белмәй уны?