Итле һурпа

Итле һурпа

Ингредиенттар

• Бер кеше иҫәбенә түбәндәге аҙыҡтар алына:
• ит — 70-100 г.
• кишер — 20г.
• һуғанбаш — 20г.

Әҙерләү

Һарыҡ, һыйыр малы һәм башҡа төрлө итте 300—500 г ауырлыҡтағы өлөштәргә турайҙар ҙа һалҡын һыуҙа йыуалар.

Әҙер иттте кәструлгә һалып һалҡын һыу һалып, көслө утҡа ҡуялар.Ҡайнап сыҡҡас, утты кәметеп, талғын ғына 1,5-2 сәғәт бешерәләр.

Барлыҡҡа килгән күбекте, һауыт төбөнә ултырмаҫ элек, һөҙөп алып торорға кәрәк.

Әгәр инде күбек ултырып өлгөрһә, һурпаға һалҡын һыу өҫтәү менән, ул өҫкә ҡалҡа.

Бешкән итте һурпанан һөҙөп алырға һәм һупаны һөҙөргә кәрәк. Һурпаны ҡайнатып сығарғас, унда бөтөн килеш кишер, һуғанбаш төшөрөп, бешкәс һөҙөп алалар.

Итле һурпа әҙер, уны төрлө аштар әҙерләү өсөн ҡулланалар.