Йыуаса

Йыуаса — башҡорт милли аш-һыуы, төрки халыҡтарҙа һәм монголдарҙа таралған.

Һөткә һәм йомортҡаға баҫылған сөсө йә сдобанан (сүпрә нигеҙендә, май, һөт, йомортҡа һ. б. тәмләткестәр ҡушып эшләнгән ҡамыр) әҙерләнә.

Ҡамыр 1 йә 1,5 мм ҡалынлығында йәйелә, яҡтары 5 сантиметрға яҡын булған ромбиктарға киҫелә. Икенсе варианты — ҡамырҙы түңәрәк формаһында йәйәләр һәм 5 см оҙонлоғондағы киҫәктәргә бүләләр.

Иретелгән йә эс майында бешерелә. Сәйгә тәрилкәләрҙә йә вазала бирелә, шулай уҡ һаҡлыҡҡа ла әҙерләнә.

Ингредиенттары

• он
• йомортҡа
• шәкәр
• аҡ май
• тоҙ.

Йолаһы

Йыуаса туй һәм байрам һыйы булараҡ бешерелә, Ҡорбан, Ураҙа һәм башҡа мосолман байрамдарында балаларға таратыла.

Башҡортостанда «Йыуаса» туй ризығы булараҡ таралған.

Һылтанмалар

• Статья в Башкирской энциклопедии

• http://www.bashkirskayakuhnya.com/vypechki/%D1%8E%D0%B0%D1%81%D0%B0/

• http://yir.atspace.com/yiwasa.htm