Ҡоймаҡ

Викидәреслек проектынан

Хәйерле иртә, апайҙар, һылыуҙар, инәйҙәр! Бөгөнгө көн-иң уңышлы көндәрегеҙҙең береһе икәнен онотмағыҙ, йәме! Иртәнге сәйегеҙгә тәмле генә ҡоймаҡ (оладьи)рецебы менән бүлешке килә, әллә ни ҡыйын да түгел. Ныуууу, тәмле!


Рецепт[үҙгәртергә]

1 литр йылымыс һөткә (һыу ҡушһаң да була) 1 ҡалаҡ тултырмай ҡоро сүпрә, 3 йомортҡа,8 ҡалаҡ манный ярмаһы,1 балғалаҡ тоҙ, 2 ҡалаҡ шәкәр, 2 ҡалаҡ көнбағыш майы, самалап он ҡушып туғырға, аҙаҡ йылы урынға ултыртып тораһың. Ҡамыр матур ғына булып ҡабарып сыҡҡас, табаны майлап бешерергә генә ҡала.


Кисә мин дә егеттәремде ошо ҡоймаҡ менән һыйланым. Хәбәр һатып тороп ондо мулыраҡ һалып ташлағайным, ҡамырым ҡуйы булды. (Әммә улдарыма нығыраҡ оҡшаны) Теләйһегеҙ икән, ҙур итеп бешерегеҙ. Ҡамырына көнбағыш майы һалһам да, барыбер табаны ла әйләнгән һайын майлайым. Нисә ыштук(!) килеп сығасағын әйтә алмайым, сөнки бешергән береһе шунда уҡ юҡ була. Сәйегеҙ тәмле булһын!!!

(Гөлназ Ишемғолова)