Алабута
Алабута - уның япраҡтары ла, орлоғо ла тәмле. Күп микроэлемент та, аҡһым да сығанағы. Өлгөргән үҫемлектәрҙе иҙәнгә туҡыма түшәп, аҫҡа ҡаратып бәйләп ҡуялар. Ҡойолғанын йыйып алып, һаҡларға һалалар. Ҡулланыр алдында алабута орлоҡтарын, әселеген бөтөрөр өсөн, бер нисә сәғәт һыуҙа тоталар.Алабута орлоҡтарынан бешерелгән бутҡа ҡарабойҙай тәменә оҡшаған. Ул колитты, үт ҡыуығы сирҙәрен дауалай
Биш-алты көн алабута бутҡаһы ашаһаң, үт ҡыуығы дискинезияһы, эс ауыртыуҙар бөтәсәк, ауыҙҙан насар еҫ килеү ҙә туҡтар, тирегеҙ таҙарыр, йөҙөгөҙ алһыуланып китер.
Алабута япраҡтарын йыуып, ҡуҙғалаҡ кеүек турайҙар ҙа, бер нисә картуф, фрикаделька янына ашҡа һалалар. Бик тәмле аш килеп сығыр! Бигерәк тә ҡаймаҡ һалып тороп ебәрһәң!
Нур терапияһынан һуң, бигерәк тә ҡорһаҡ тирәһендә булғанда, алабутаны ныҡлы ышаныс менән ҡулланырға кәрәк. Уның менән эске органдарҙың барлыҡ туҡымалары яңыра.
Алабута ҡаты бронхиттарҙы дауалай, нерв системаһы эшен нормалләштерә, паркинсон менән интеккән кешеләрҙә тремор туҡтай, быуындар һыҙлауы баҫыла.
Бына һиңә сүп үләне! Етмәһә, тәмле үҙе!