Ашҡабаҡ эсендә ризыҡ әҙерләү

Викидәреслек проектынан
Перейти к навигации Перейти к поиску

Ашҡабаҡ эсендә ризыҡ әҙерләү — күберәк байрам ашы, өмә кеүек күмәк кешегә әҙерләнә.

Ашҡабаҡтың иң матурын һайлап алып, тышын эҫе һыу менән яҡшылап йыуалар, ҡоротоп һөртәләр. Үткер бысаҡ ярҙамында түңәрәкләп, ҡойроҡло түбәһен киҫеп алалар. Тимер ҡалаҡ менән урталағы йомшағын алып ташлайҙар. Ашҡабаҡтың уртаһына алдан әҙерләнгән эслекте һалалар.

Эслек төрҙәре[үҙгәртергә]

1. Ярма, һыу, май, тоҙ.

2. Итле эслек.

Әҙерләү[үҙгәртергә]

1. Ярма, һыу, май, тоҙ.

Ярма менән һыу нисбәте, ярманың төрөнә ҡарай. Мәҫәлән, дөгө менән һыу нисбәте — 1:2. Май менән тоҙ ҙа ярма микдарынан сығып һалына.

Әҙер эслекте ашҡабаҡтың эсе тулғансы һалалар. Ҡырҡып алынған «ҡапҡас» менән ябалар.

Ашҡабаҡтың өҫтөнә үҫемлек майы яғып, сәғәт-сәғәт ярым ваҡытҡа йылытылған духовкаға ҡуялар.

Духовка ныҡ ҡыҙғас, утты ашҡабаҡ бешеп еткәнсе тоталар.

Әҙер ашҡабаҡты духовканан алып, йәйпәк тәрилкәгә һалалар. Һәр кемгә порциялап бүлеп бирәләр.


2. Итле эслек.

Итте (йылҡы ите булһа тағы ла яҡшыраҡ) ваҡ киҫәктәргә турап, табала, үҫемлек майында, быҡтыралар.

Иткә ҡушып шул уҡ күләмдә ваҡлап туралған башлы һуған һәм шаҡмаҡлап туралған картуф һалалар.

Бешеп өлгөрөр алдынан бер ус төйөлгән грек сәтләүеге, тоҙ, тәмләткестәр ҡушырға мөмкин.

Әҙер эслекте ашҡабаҡтың эсе тулғансы һалалар, өҫтөнә сама менән ярты стакан һыу йәки һурпа ҡойоп, ҡырҡып алынған «ҡапҡас» менән ябалар.

Ашҡабаҡтың өҫтөнә үҫемлек майы яғып, сәғәт- сәғәт ярым ваҡытҡа йылытылған духовкаға ҡуялар.

Духовка ныҡ ҡыҙғас, утты ашҡабаҡ бешеп еткәнсе тоталар.

Әҙер ашҡабаҡты духовканан алып, йәйпәк тәрилкәгә һалалар. Һәр кемгә өлөшләп бүлеп бирәләр.