Биҙрә, уның менән һыу алыу (йомаҡтар)

1. Ҡолағы бар, башы юҡ.
2. Ҡара һыйырым ҡырға китте,
   Ҡолаҡтары ҡарпая китте.
3. Ҡара бейәм батты,
   Ҡолағы тырпайып ятты.
4. Ҡола бейәм ҡойоға батты,
   Ике ҡолағы һерәйеп ҡатты.
5. Ике туған һыу инергә киттеләр.
6. Иркә ике ҡыҙым бар —
   Иртә лә, кис тә Һыу ҡойонорға баралар.
7. Ике һылыу һыуға бара.
8. Мәскәүҙән килгән күк айғыр
   Боһороп-боһороп һыу эскән.

Биҙрә тотҡаһы

1. Һыу арҡыры тимер күпер.