Дегәнәк (йомаҡтар)

Викидәреслек проектынан
Перейти к навигации Перейти к поиску
ArctiumLappa4.jpg
Arctium tomentosum (inflorescences).jpg
  1. Ауыҙы юҡ — әҙәм тешләр.
  2. Бер йомғаҡта мең энә.
  3. Йәбешкәнгә лә йәбешкән,
    Йәбешмәгәнгә лә йәбешкән.
  4. Юл буйында ҡарт бабай
    Ҡармаша ла һәрмәшә.
  5. Юл буйында бер бабай
    Тәки мине ҡармалай.
  6. Юл буйында бер бабай —
    Тейгәнгә лә тейә,
    Теймәгәнгә лә тейә.
  7. Юл сатында Юламан,
    Урала ла сырмала.
  8. Болонлоҡта көсөк ята,
    Балағыма йәбешеп ҡайта.
  9. Яланда, япанда
    Яман бүре ултыра.
  10. Еҙ мыйыҡлы еҙнәм,
    Сәнселмәйсә түҙмәм.
  11. Еҙ мыйыҡлы еҙнәм кеүек,
    Һағынып килгән кейәү кеүек.
  12. Йомро-йомро терпеләр,
    Һырып алды төлкөләр.
  13. Уҡтау-уҡтау,
    Башы суҡтау.
    Ергә етмәҫ,
    Етмеш ағас ботағы.
  14. Алама башлы, тоҙ күҙле.
  15. Янына барһаң — йәбешә.
  16. Алдыңда атаң йоҙроғо.