Еләк (йомаҡтар)

Малина

Баҡса еләге

Балан

1. Барғанда йырлап бара,
   Ҡайтҡанда илап ҡайта.
2. Ҡыҙыл-ҡыҙыл ҡыҙыҡай,
   Ауыҙынан тамған ҡыҙыл ҡан.
3. Ҡыҙыл төймә таптым,
   Ауыҙыма ҡаптым.
4. Алһыу битле йомро ҡыҙ,
   Бикә түгел, бей түгел,
   Уға башың эй, бөгөл!
5. Тау башында бер тәкә
   Башын күтәрә алмай ята.
6. Ҡыҙыл-ҡыҙыл төймәләр
   Келтен-келтен ултыра.
   «Бөгөнгө көн алмаһалар —
   Китәмен», — тип ултыра.
7. Йомро-йомро-йомро туп,
   Йомро башлы ҡыҙыл туп.
   Башы түбән һалынған,
   Уға ҡыҙҙар ялынған.
8. Түңәрәк, түңәрәк шар кеүек,
   Ҡыҙыл, ҡыҙыл ҡан кеүек;
   Башы түбән һалынған,
   Ҡыҙҙарға ҡарап ялынған.
9. Ҡара ерҙә ҡаҙан аҫтым —
   Ҡайнамайынса беште;
   Аҡыллыға йомаҡ әйттем —
   Уйланы ла белде;
   Аҡылһыҙға йомаҡ әйттем —
   Тыңланы ла көлдө.
10. Мин ни күрҙем, ни күрҙем,
    Көнгә бешкән аш күрҙем.