Ел, дауыл, ҡойон (йомаҡтар)

Викидәреслек проектынан
  1. Көйләй ҙә көйләй,
    Үҙенең бер ҙә көйө юҡ.
  2. Ике тауҙың араһы,
    Һыҙғыра пәрей балаһы.
  3. Аяҡһыҙ-ҡулһыҙ ҡапҡа аса.
  4. Ҡулы юҡ, аяғы юҡ,
    Ерҙә йүгереп, ҡапҡа аса.
  5. Тауышы бар, һүҙе юҡ,
    Һөйләшергә үҙе юҡ.
  6. Үҙе йәнһеҙ, тауышы йәмһеҙ.
  7. Аяғы ла юҡ, башы ла юҡ —
    Үҙе елдереп йөрөй.
  8. Ҡулы юҡ, аяғы юҡ —
    Тәҙрәмде ҡаҡҡылай.
    Тартҡылай, һуҡҡылай,
    Өйгә инергә һорай50.
  9. Ҡулы юҡ — тәҙрә ҡаға,
    Ауыҙы юҡ — йырлай.
    Өйгә инәм, тип илай.
  10. Аяғы юҡ, ҡулы юҡ,
    Һөйләшергә теле юҡ,
    Ҡояш кеүек нуры юҡ,
    Күрергә күҙе юҡ,
    Һис етмәгән ере юҡ.
  11. Ялман ялан гиҙә.
  12. Ҡырҙа йөрөй, урманда ята.
  13. Тауға тартһаң — бармай.
  14. Ҡыйҡым-ҡыйҡым, ҡыйҡым ҡош
    Ҡыйҡылдаша, шаулаша.
  15. Салғыйымды аса,
    Үҙе минән ҡаса.
  16. Ҡапҡамды аса ла
    Ҡапҡам артына ҡаса.
  17. Ятыр-торор өйө юҡ,
    Үҙенең һис көйө юҡ.
    Ҡаға урам ҡапҡаһын,
    Шаҡый тәҙрә ҡапҡасын,
    Эҙләй гел тишек-тошоҡ
    Инергә һорай ышыҡ*.
  18. Иртә килә, сиртә килә,
    Ике ҡанатын һирпә килә,
    Ҡамышлыҡтан үтә килә,
    Ҡамыш башын һелкә килә.
  19. Ҡулһыҙ-аяҡһыҙ тәҙрә ҡаға.
  20. Иртә менән тора,
    Тәҙрә үтә өрә.
  21. Лап-лап тәҙрә яба.
  22. Өй түбәмдә бүре олой.
  23. Ҡанатһыҙ — оса,
    Ҡулһыҙ — һуғыша.
  24. Ҡотһоҙ Ҡолой
    Бүре кеүек олой.
  25. Күсеп килде, күсеп китте.
  26. Оҙон орсоҡ өйөрөлдө.