Запеканка

Дөгө менән эремсектән запеканка

Кәрәк

• 0,5 стакан дөгө,
• 2 аш ҡалағы шәкәр ҡомо,
• 2 йомортҡа ағы,
• аҡ май,
• 150-200 гр эремсек,
• манный ярмаһы йәки сухари вағы.

Әҙерләү

• Дөгөнө бүрттереп, һалҡын һыуҙа сайҡатырға.
• Запеканка бешерәһе формаларҙы аҡмай менән майлап, манный йәки сухари вағы һибергә.
• Айырым һауытта эремсек, шәкәр ҡомы һәм дөгөнө болғатырға.
• Һалҡында торган йомортҡаның ағын алып, миксер ярҙамында тоҙ һалып күпертергә. Уны әҙ-әҙләп алда яһаған ҡатнашмаға һалырға.
• Әҙер массаны формаларға тултырырға һәм духовкала 25-30 минут тотарға.

Һылтанмалар

• "Йәшлек" гәзите сайтынан, 29.01.2020.