Йоҙаҡ һәм асҡыс (йомаҡтар)

Викидәреслек проектынан
Перейти к навигации Перейти к поиску
Locks CPK.jpg
Эске йоҙаҡ
Aҫылмалы йоҙаҡ
  1. Шырт итте, мырт итте,
    Ауыҙын асты, тороп ҡасты.
  2. Шырт итте, мырт итте,
    Уртаһына инеп китте.
  3. Аҫылынған аҫыл ҡоштоң
    Асылырға уйы бар,
    Аса белһәң — һинеке,
    Аса алмаһаң — китеп ҡал.
  4. Ишек алдым абалай,
    Бүре килһә, аралай.
  5. Ишеккә килә, керә белмәй.
  6. Бәләкәй генә бер көсөк,
    Өрмәй ҙә, ебәрмәй ҙә.
  7. Бәләкәй генә бер этем йорт һаҡлай.
  8. Бер тумалаҡ ит кенә,
    Башы, күҙе ныҡ ҡына.
  9. Был донъяла бер эт бар,
    Өй һаҡлай, өрмәй.
    Аяғы юҡ, йөрөмәй,
    Әҙәм телен белмәй,
    Тамағын тыҡһаң, һөйләй.
    Шул эттән һорауһыҙ
    Өйгә берәү инмәй.
  10. Бәләкәс кенә быстыҡ,
    Елкәһенә баҫтыҡ.
    Бер нәмәһе бар ине,
    Уны ла урлап ҡастыҡ.
  11. Бәләкәй генә, бит кенә,
    Ҡара киҫәк ит кенә,
    Өйҙө һаҡлай тик кенә.
  12. Бәләкәй генә, бит кенә,
    Ҡараҡ килһә, кит кенә.
  13. Өрмәй-нитмәй,
    Ташлап китмәй,
    Берәүҙе лә ебәрмәй.
  14. Өрмәй-нитмәй,
    бер кемде лә керетмәй.
  15. Кескәй генә көсөгөм,
    Аяғы юҡ, йөрөмәй,
    Кеше килһә, өрмәй,
    Уғры килһә, ебәрмәй.
  16. Бәләкәй генә турғай өйөмдө һаҡлай.
  17. Бәләкәй генә турғай
    Тау-ташты ҡарауыллай.
  18. Бәләкәй генә бер малай
    Ишек төбөм һаҡлай.
  19. Үҙе тора, үҙе өрмәй,
    Аяғы юҡ, йөрөмәй,
    Күмәйен тыҡһаң, һөйләшә.
  20. Телен бер кем дә белмәй,
    Унан башҡа берәү ҙә өйгә инмәй.
  21. Бәләкәй генә булһа ла өйҙө һаҡлай.
  22. Бәләкәй генә бер сәпсек
    Келәт һаҡлап ултыра.
  23. Келт-келт итә, өйөнә кереп китә.
  24. Сылт-сылт итә, сылт эсенә кереп китә.