Йылан (йомаҡтар)

Викидәреслек проектынан
Перейти к навигации Перейти к поиску
Agkistrodon contortrix (1).jpg
  1. Оҙон-оҙон эҙ килер,
    Оҙон буйлы ҡыҙ килер,
    Ҡабаҡтары ҡалтырап,
    Маңлайҙары ялтырап.
  2. Оҙон-оҙон юлдарҙан
    Оҙон-оҙон ҡыҙ килә,
    Башҡынайы ҡалтырай,
    Күҙгенәйе ялтырай.
  3. Аяҡһыҙ-ҡулһыҙ ерҙән китә.
  4. Аяҡһыҙ-ҡулһыҙ атлап йөрөй.
  5. Урмандан сығар,
    Һырты сыбар,
    Түше менән шыуар,
    Ауыҙын асыр,
    Телен һуҙыр,
    Уға кем сыҙар?
  6. Урмандан сығар,
    һырты сыбар,
    Түше менән шыуар;
    Әфәләм төрлө,
    Алтын һырлы,
    Төймә башлы,
    Тоҙ күҙле.
  7. Оҙон-оҙон оҙон юл,
    Оҙон юлды кем уҙыр?
    Бауыры сыбар күкәлтәйҙең
    Йомортҡаһын кем табыр?
  8. Таба, таба, табалама,
    Таба арҡылы юрғалама.
    Айғыр күрһәң, кешнәмә,
    Кеше күрһәң, тешләмә97.
  9. Тыума тыуыр, тауға шыуыр.
  10. Тауға менә таяҡһыҙ,
    Тауҙан төшә аяҡһыҙ.
  11. Ялан ерҙә яу ҡамсыһы.
  12. Ялан ерҙә утлы ҡайыш.
  13. Ялан ерҙә майлы ҡайыш.
  14. Үлән араһында оҙон ҡамыш.
  15. Шағанайҙың сыбыртҡыһы
    Шартламай ҙа яндыра.
  16. Майлы ҡайышым юлымда,
    Тота алмайым ҡулыма.
  17. Яҫы ерҙә яу ҡайышы.
  18. Ер өҫтөндә еҙ ҡамсы.
  19. Урмандан сығыр,
    Түше менән шыуыр.
  20. Яҙ етһә — терелә,
    Көҙ етһә — үлә.
  21. Юл буйында майлы ҡамсы.
  22. һыуҙа йөҙә,
    Ерҙә шыуа.
  23. Ҡойроғо осло,
    Туҙ башлы.
  24. Оҙон эсәк,
    Бер осо төйөнсәк.
  25. Сытыр-мытыр араһына
    Ҡара ҡайыш ташланым.