Карта (йомаҡтар)

Диңгеҙе бар — йөҙөп булмай,
Юлы бар — йөрөп булмай,
Ере бар — һөрөп булмай.
Ҡалаһы бар — халҡы юҡ,
Диңгеҙе бар — һыуы юҡ.
Ҡалалары йортһоҙ,
Диңгеҙҙәре һыуһыҙ.
Бәләкәй генә ҡағыҙға
Бөтә донъя һыйған.
Ямауы бар — йөйө юҡ,
Ҡалаһы бар — өйө юҡ.
Бар ауылы,
Бар шәһәре — кешеһе юҡ,
Диңгеҙе бар,
Йылғаһы бар — һыуы юҡ.
Бик күп төрлө илдәре,
Диңгеҙҙәре, күлдәре.
Йылғалары тар, ҡыҫҡа —
Атлап сығыр ҡырмыҫҡа.