Кесерткән (йомаҡтар)

Викидәреслек проектынан
Перейти к навигации Перейти к поиску
Lamium album 01.JPG
Крапива - panoramio.jpg
  1. Өй ҡашында уҫал еңгә
    Семтеп ала, өтөп ала.
  2. Яҡын барма,
    Яҡын барһаң, ҡулыңа алма,
    Ҡулыңа алһаң, бәлә һалма.
  3. Япрағы, һабағы бар,
    Ҡамсы түгел — һыҙҙыра.
    Һыҙҙырғанда ут кеүек,
    Бөтә тәнде ҡыҙҙыра.
  4. Йәшел айғыр кешнәп ала,
    Барып тотһаң, тешләп ала.
  5. Ут түгел — тәнде яндыра.
  6. Өй артында йәшел ут,
  7. Үҙе үлән, үҙе мут.
  8. Күмер түгел, ут түгел,
    Тотһаң — ҡулды бешерә.
  9. Аяҡ тыҡһаң — аяҡҡа хас,
    Ҡулың тыҡһаң — ҡулыңа хас.
  10. Үҫә ҡойма буйында,
    Гел сағыуҙыр уйында.
    Уты ла юҡ — яндыра,
    Ҡорт саҡҡан эҙ ҡалдыра*.
  11. Һин ҡул һуҙһаң,
    Ул һиңә ут бирә.
  12. Миңә кемдер ҡул һуҙһа,
    Бешерәм мин ҡуҙһыҙ ҙа.