Киндер, тарма (йомаҡтар)

1. Төбө тамыр,
   Уртаһы һеңер,
   Осо май.
2. Төбө тамыр,
   Уртаһы һеңер,
   Башы майлы,
   Ашамаға яйлы.
3. Оҙон-оҙон ҡолғалар,
   Һелкенгеләп ҡуялар,
   Ялбыр башлы, еҙ тешле,
   Тырпайышып торалар.
4. Табағас башында татлым бар.
5. Тиреһен кейәләр,
   Кәүҙәһен ташлайҙар,
   Башын ашайҙар.
6. Тарт та йолҡ, тарт та йолҡ,
   Килеп сығыр Тарматай.
   Өҙөрһөң, һуғырһың,
   Кейем итеп кейерһең.
7. Кәртә аҫтында тирәк,
   Тирәк һайын оя,
   Оя һайын йомортҡа.
8. Өй уртаһы ҡыл арҡан,
   Мөйөш һайын оя,
   Оя һайын бер йомортҡа.

Киндер орлоғо

1. Бер һабаҡта етмеш япраҡ,
   Етмеш япраҡта етмеш оя,
   Етмеш ояла етмеш йомортҡа.