Күбәләк (йомаҡтар)

Ап-аҡ, ап-аҡ аҡсарлаҡ
Ҡояш көндө осалыр,
Төрлө сәскә ҡосалыр.
Сыбар ала осҡалаҡ
Оса гөлдәр ҡосҡалап.
Ике яҡлы ишек — китә йыраҡҡа осоп.
Ел-ел елә килә,
Ике еңен һелкә килә,
Ҡамышлыҡҡа ҡуна килә,
Ҡамыш һыуын эсә килә.
Сыбар ала күлдәге,
Тотһаң — уңа биҙәге.
Ҡанаты бар — ҡаны юҡ.
Ҡыш үләм, яҙ тереләм.
Яҙ терелә, көҙ үлә.
Елп-елп итер — елпеп китер,
Гөлгә ҡуныр — сәскә үбер;
Үҙе күп төрлө,
Алтын һырлы.