Күркә (йомаҡтар)

1. Күпмә кеүек, күпмә кеүек,
   Күпереп бешкән икмәк кеүек,
   Ҡысҡырыуы — шайтан кеүек,
   Ғолдор, ғолдор, ғолдор, ғыу!
2. Ҡабара-ҡабара, болот кеүек,
   Кейенеп сыҡҡан кейәү кеүек,
   Ҡыҙыл төймә муйынында,
   Һөйгән йәре ҡуйынында.
3. Күбеп китһә, көймә кеүек,
   Күпереп бешкән икмәк кеүек,
   Губернский ҡыҙҙар кеүек,
   Ултырыуы мулла кеүек,
   Ҡысҡырыуы торна кеүек.
4. Көймә-көймә, көймә кеүек,
   Күпереп бешкән икмәк кеүек,
   Ултырҙы мулла кеүек,
   Ҡысҡырҙы торна кеүек.
5. Ҡабара-ҡабара, ҡабара кеүек,
   Ҡабарып бешкән икмәк кеүек.
6. Ҡабара-ҡабара осор кеүек,
   Ҡабарып бешкән йыуаса кеүек.