Кәзәмөгөҙ

Викидәреслек проектынан
Перейти к навигации Перейти к поиску
Ayran+Çibörek.jpg

Кәзәмөгөҙ — эслек һалып ҡамырҙан бешерелгән аҙыҡ.

Ингредиенттар[үҙгәртергә]

  • Һөт
  • Дрожжи
  • Йомортҡа
  • Аҡ май йәки маргарин
  • Он
  • Алма ҡайнатмаһы

Бешереү ысулы[үҙгәртергә]

Берәй тәмлекәс ашағы килеп китте лә, бөгөн КӘЗӘМӨГӨҘ бешерҙем әле. Был беҙҙең ғаилә рецебы, хан заманынан бирле ҡунаҡтарға әнейем, Гөлнур апайым ошо рецепт буйынса бешерә.. Иҫ киткес йомшаҡ, өҫтө шәкәрлекәй генә..Мммм...Тәмлекәс...Хәйер, үҙегеҙ бешереп ҡарағыҙ ҙа, әйтерһегеҙ. Тик....Башта мин нисек яҙам, шулай бешерегеҙ, аҙаҡ үҙегеҙ теләгәнсә үҙгәртерһегеҙ.

Шулай итеп, бәләкәс табаҡҡа башта 5 ҡалаҡ йылы һөт ҡоябыҙ, шуға 1 ҡалаҡ шәкәр, 1 ҡалаҡ (бәләкәй пакетиктагы 10гр) дрожжи (ҡоро сүпрә) ҡушып болғатабыҙ ҙа, ултыртып торабыҙ. Ул арала аҡ майҙы (маргаринды), 1 йомортҡаны һыуытҡыстан алып ҡуйығыҙ, йылына торһон. Әйткәнем бар инде, ҡамыр ашына арзан маргарин ҡулланмағыҙ. Иң яҡшыһы — Пышка, Пышный, Хозяюшка.

Сүпрә матур ғына булып ҡабарғандыр, шуға 2 ҡалаҡ шәкәр, йомортҡа, йомшарған маргарин йә аҡ май, бер семтем тоҙ, 3 стакан он ҡушып йомшаҡ ҡына ҡамыр баҫығыҙ. Майлы ҡамыр үҙенә ондо күп ала, ҡулға йәбешмәһә, тимәк, еткән. Бер нисә өлөшкә бүлегеҙ ҙә, һыуытҡысҡа һалып тороғоҙ. Ул арала эслеген әҙерләгеҙ. Беҙ ошо "мөгөҙ" өсөн генә эре итеп турап алма ҡайнатмаһы ҡайнатабыҙ, аҙаҡ алмаһын ғына эслек итәбеҙ. Бөгөн иһә, мин сей алманы ҡырғыс аша үткәреп һалдым)) Матур ғына итеп ҡамырҙы түнәрәкләп йәйгәс, башта шәкәр һибәбеҙ, шунан өсмөйөшләп ҡырҡабыҙ.

Аҙаҡ һәр бер өсмөйөшкә эслекте һалып урайбыҙ. Йәһәт кенә ике һауыт әҙерләйбеҙ ҙә, береһенә 1 йомортҡа туғыйбыҙ, икенсеһенә шәкәр һалабыҙ. Һәр бер мөгөҙҙөң өҫкө яғын башта йомортҡаға манабыҙ, шунан шәкәргә. Ой, күп яҙҙым, хәҙер мейескә тығырға ла, бер ярты сәғәттән тәмләп сәй эсергә ҡалды))))

Гөлназ Ишемғолова бешерҙе