Кәзә (йомаҡтар)

1. Бәләкәй еңгәм һыуға бара,
   Һырғалары ҡойола бара.
2. Ары ла йүгерә Зәпзәки,
   Бире лә йүгерә Зәпзәки,
   Тамаҡ ҡыра Зәпзәки,
   Һаҡал һелкә Зәпзәки.
3. Ары ла йүгерә Зәпзәки,
   Бире ла йүгерә Зәпзәки,
   Төймә төйә Зәпзәки.
4. Иртән сығыр Тәллән,
   Кисен сығыр Тәллән,
   Төрлө-төрлө үләндән
   Төймә төйөр Тәллән.
5. Тояғы бар — дағаһы юҡ,
   Һаҡалы бар — аҡылы юҡ.
6. Һикерәндәк, микерәндәк,
   Һаҡалбай, ҡаҡ маңлай.
7. Һаҡалы бар, аҡылы юҡ.
8. Һаҡалы оҙон, аҡылы ҡыҫҡа.
9. Кеше түгел — һаҡаллы.
10. Һаҡалы бар, аҡылы юҡ,
    Ул баҡсала һәр ваҡыт туҡ.
    Ағастарға килһә ҡаза,
    Ошо мәлғүн ала яза".
11. Үҙе аҡтай,
    Ҡорһағы ҡаптай,
    Кәкре тояғы шаҡтай.
12. Үҙе аҡтай, ҡорһағы ҡаптай,
    Башында кәкре таяғы,
    Тотайым тиһәң, шаҡтай.
13. Ҡойроғонан мөгөҙө оҙон.