Манты

Манты — Азия халҡына хас булған, ит ризығы. Төрлө эслектәрҙән тора.

Составы

Ҡамыры

2,5 стакан он
1 балғалаҡ тоҙ
1 стакан йылымыс һыу
1-2 аш ҡалаҡ үҫемлек майы

Эслек

Ҡабаҡ, һыуған, борос, тоҙ, үҫемлек майы
Ит, картуф, һыуған, үҫемлек майы, борос, тәмләткестәр

Әҙерләү

Ҡамыр

Онға тоҙ,үҫемлек майы ҡушып, өҫтөнә яйлап ҡына 1 стакан йылымыс һыуҙы ҡойоп болғатып, ҡамыр баҫабыҙ. Ҡамырҙы һалма рәүешендә йәйеп дүрткел өлөштәргә бүлеп эслектәрҙе һалып бөкләп ҡуябыҙ. Листаларын майлап, мантыларҙы теҙеп, быуға бешерергә ҡуябыҙ.

Эслек

Ҡабаҡты ваҡ итеп шаҡмаҡлап турап, һуғанды ярым дүңгәләк турап, үҫемлек майы, борос, тоҙ (тәменсә) ҡушып болғатабыҙ. Ҡабаҡ менән һуғандың самаһы 1:1 булырға тейеш.
Турағыстан үткән иткә, ваҡ итеп туралған картуф, һуған, үҫемлек майы, борос, тәмләткестәр ҡушып болғатабыҙ.