Мылтыҡ (йомаҡтар)

Викидәреслек проектынан
Перейти к навигации Перейти к поиску
Early Lincoln No2.jpg
  1. Бәләкәс кенә малай,
    Бейгә лә ярай,
    Ханға ла ярай,
    Үҙе гел ҡан даулай.
  2. Кәк(е)ре ҡайын ут төкөрә.
  3. Бер төкөрҙө —
    Бөтөн ерҙе бөтөрҙө.
  4. Бәләкәс кенә нәл ташы,
    Хандар, бейҙәр юлдашы.
  5. Кәк(е)ре ботаҡ алыҫ төкөрә.
  6. Биле бөк(ө)рө алыҫҡа төкөрҙө.
  7. Ҡаны юҡ, йәне юҡ,
    Төкөрөгө кеше үлтерә.
  8. Атаһы шарт итә,
    Балаһы ялт итә,
    Төкөрөгө дорфанға китә.
  9. Йәне лә юҡ, ҡаны ла юҡ,
    Эсендәге балаһының һаны ла юҡ.
  10. Үмер, үмер, үмерҙән,
    Яҡҡан уты күмерҙән,
    Оҙон буйлы бер ҡош бар —
    Йомортҡаһы тимерҙән.
  11. Тимерҙән заты,
    Борсағы таштан ҡаты,
    Әҙәмдең хикмәте.
  12. Артында беләк була,
    Ҡабырғаһында эйәк була,
    Өҫтөндә күҙ була,
    Үҙе төҙ була.
  13. Йүткерә, төкөрә,
    Төкөрһә — үлтерә.
  14. Ҡара атым ҡалт итте,
    Ҡабырғаһы ялт итте.
  15. Үңер, үңер, үңерҙән,
    Үңәсе оҙон тимерҙән,
    Шатырлауыҡ-шартлауыҡ
    Бар донъяны емергән.
  16. Эргәлә — һуға,
    Алыҫта — йыға,
    Хатта тауышы