Самауыр (йомаҡтар)

Викидәреслек проектынан
Перейти к навигации Перейти к поиску
Самовар.jpg
  1. Тәрән баҙҙа бүре олой.
  2. Ике сите һыу булыр,
    Уртаһында ут булыр,
    Байҙарҙы көлдөрөр,
    Ярлыларҙы бөлдөрөр.
  3. Аяғы — дүртәү,
    Ҡолағы — икәү,
    Һарай эсендә һайрай.
  4. Һарай эсендә һандуғас һайрай.
  5. Алтын һарай эсендә аҫыл ҡош һайрай.
  6. Алтын бишек, арҡаһы тишек.
  7. Һарайҙағы һары айғыр,
    Һыу алдыниһәң, кешнәй.
  8. Еҙ һарайым эсендә еҙнәм аты кешнәй.
  9. Һары айғырым һарнап кешнәй,
    Бышҡыра ла бышҡыра.
  10. Һары айғырым гел кешнәй.
  11. Һары бейәм ыңғыраша,
    Оҙаҡламай ҡолонлар.
  12. Һары бейәм һаҙға түгә.
  13. Көлөн сәсеп, ҡарт әбей
    Түрҙә көлөп ултыра.
  14. Аҫты ла тишек,
    Өҫтө лә тишек,
    Уртаһында ут та һыу.
  15. Өҫ тишектән сыға быу,
    Уртаһында ут та һыу.
  16. Өҫтө — һыу, аҫты — ут.
  17. Тышым көлә,эсем көйә.
  18. Бура-бура буралы,
    Эсе ҡыуыш уралы,
    Эсендә ут, тышында һыу,
    Нисек ултыра, күр әле!
  19. Ҡарынында ут,
    Ҡорһағында һыу,
    Башында төпһөҙ эшләпә —
    Бына донъя нишләтә.
  20. Аяғы бар — атламай,
    Ҡолағы бар — ишетмәй.
  21. Ҙур, ҙур, ҙурский,
    Бохарский, царский.
  22. Һамарҙан килгән һары айғыр
    Ҡыҙырым-ҡыҙырым һыу эсә.
  23. Аяғы бар — атламай,
    Тауышы бар — һөйләшмәй.
  24. Танауы бар — тын алмай,
    Ауыҙы бар — ашамай,
    Ҡолағы бар — ишетмәй,
    Аяғы бар атламай,
    Һыу әсеүҙән туҡтамай.
  25. Аяғы бар — атламай,
    Эсендәгеһен һаҡламай.
  26. Һары айғыр һарнап кешнәй,
    Аяҡтары күк ала.
  27. Ары тәтәй, бире тәтәй,
    Ҡунаҡ килһә, йүгерә тәтәй.
  28. Ары ла тәсәй, бире лә тәсәй,
    Ҡоҙа килһә, йүгерә тәсәй.
  29. Ялт-йолт итә,
    Ҡунаҡ килһә, йүгереп китә.
  30. Бохарҙан килгән ҡунаҡ
    Ут ашай ҙа һыу эсә.
  31. Ултырҙым рәхәткә,
    Сит-сите рәшәткә,
    Уртаһы — тамуҡ,
    Сите — ожмах.
  32. Эсе ҡара, күмер кеүек,
    Тышы һары, шалҡан кеүек,
    Ултырыуы мулла кеүек,
    Һыҙғырыуы шайтан кеүек.
  33. Эсе ҡара, ҡором кеүек,
    Тышы һары, шалҡан кеүек.
  34. Мейес алдында алтын өйрәк
    Ут ашай ҙа һыу эсә.
  35. Мейес алдында еҙ бүкән.
  36. Эй үңерҙән, үңерҙән,
    Ятҡан уты күмерҙән.
  37. Буйға еткән ҡыҙ бала
    Йөрәгенә ут һала.
  38. Түрәкәй килгән,
    Түргә менгән,
    Ут ашаған,
    Һыу биргән.
  39. Бәләкәй генә бисура
    Йөрәгенә ут һала.
  40. Сите — һыу иле,
    Уртаһы — ут иле.
  41. Сите — сит,
    Уртаһы — ут,
    Ғазраилдай һыҙғыра.
  42. Күл уртаһында ут яна.
  43. Үҙе ултыра, эсе яна.
  44. Үҙе эсмәй, эсе яна.
  45. Үҙе эсмәй, үҙе йырлай.
  46. Үҙе йырлай, үҙе һыйлай.
  47. Эй, Туйбикә, Туйбикә,
    Ҡунаҡ килһә, ҡуй бикә,
    Һалпы ҡолаҡ, киң битле,
    Һөйләшергә бик ипле.
  48. Түр башында түрә
    Ҡунаҡ күңелен күрә.
  49. Ике яғы һыулы,
    Урта араһы утлы.
  50. эсендә еҙ бүкән.
  51. Һалбыр ҡолаҡлы, киң битле.
  52. Йыуан ҡорһаҡлы,
    Оҙон моронло,
    Бәләкәй генә башлы,
    Дүрт аяҡлы.
  53. Ҡолаҡтары ҡарпыш,
    Танауы аҫта,
    Ауыҙы өҫтә.
  54. Һыу ҙа һыу,
    Уртаһында ут,
    Өҫтөндә быу.
  55. Һары бейәм һыуға батҡан,
    Ике ҡолағы һерәйеп ҡатҡан.
  56. Ҡашы ҡара ҡарт әбей
    Көлә биреп ултыра.
  57. Мулла кеүек ултыра,
    Шайтан кеүек һыҙғыра.
  58. Түр башында бер һары ҡарт,
    Түрәмен, тип ултыра.
  59. Һары ситса күлдәкте
    Һарайҙағы ҡыҙ кейер.
  60. Борлап тора, йырлап тора,
    Ҡорһағы шыбырлап тора.
  61. Тын алышы — быу ғына,
    Эсе тулы һыу ғына.
  62. Эсендә һыу ҙа, ут та бар,
    Ул үҙе һәр йортта бар.
Википедияла