Сәк-сәк

Викидәреслек проектынан
Перейти к навигации Перейти к поиску
Сәк-сәк

Сәк-сәк — ҡамырҙан әҙерләнгән татлы ризыҡ.

Кәрәкле аҙыҡ-түлек[үҙгәртергә]

Ҡамыр[үҙгәртергә]

  • Йомортҡа
  • Тоҙ
  • Он
  • Сода
  • Үҫемлек майы

Сироп[үҙгәртергә]

  • Шәкәр
  • Һыу
  • Бал

Бешереү ысулы[үҙгәртергә]

Бауырһаҡты, сәк-сәкте әнейем тәмле итеп бешерә. Үҙем дә ваҡыт булғанда бешерергә яратам.

Башта 5 йомортҡаны (һыуытҡыстан алдан алып ҡуйырға кәрәк, йылына торһон өсөн) оҙаҡ ҡына итеп туғырға кәрәк. Матур булып күпереп сыҡҡансы. Был иң мөһиме!!! Шунан семтем тоҙ һибергә лә, он өҫтәп, ҡамыр баҫырға, әгәр теләһәгеҙ, - балғалаҡ осонда сода ла һалып ебәрергә була. Ике төрлө итеп бешергәнем бар, тегеләй ҙә, былай ҙа оҡшай. Ҡамыр йомшаҡ ҡына булырға тейеш. Аҙаҡ ҡамырҙы йәйеп, үҙегеҙ теләгән оҙонлоҡта ҡырҡып, майлы суйында бешерергә генә ҡалды! Һәр партияны бешереп алғас, суйынды алдан әҙерләп ҡуйған һалҡын һыулы тимер табаҡҡа ултыртып, аҙыраҡ майҙы һыуытып алырға кәрәк. Шулай иткәндә генә бауырһаҡтар ярылмай бешә. Мин үҙем ҙур бауырһаҡтарҙы яратам, тәмлерәк һымаҡ.

Теләйһегеҙ икән, нәҙек итеп ҡырҡып бешерегеҙ.

Ә сиропты ошолай эшләй әнейем. Бер стакан шәкәргә ярты стакан һыу һалып шәкәр ирегәнсе ҡайната, шунан ҡайнап ултырған сиропҡа ярты стакан бал һала ла, биш минуттан һүндерә. Аҙаҡ, ошо сиропты бауырһаҡ өҫтөнә ҡойоп бутай ҙа, матур итеп өйөп ҡуя.

Гөлназ Ишемғолова яҙып алған