Теш (йомаҡтар)

Викидәреслек проектынан
Перейти к навигации Перейти к поиску
06-10-06smile.jpg
  1. Аҡ егеттәр аңһыҙ,
    Анһыҙ донъя һанһыҙ.
  2. Бикләнмәгән һандығымда
    Утыҙ ике ынйым бар.
  3. Бер мискәнең эсендә
    Утыҙ ике аҡ тауыҡ.
  4. Бер соҡорҙоң эсендә
    Утыҙ ике аҡ тауыҡ.
  5. Бер һарай эсендә
    Утыҙ ике аҡ тауыҡ.
  6. Аҫлы-өҫлө аҡ тауыҡ.
  7. Ҡыҙыл кәртә өҫтөнә
    Аҡ тауыҡтар ултырған.
  8. Кәштәм тулы аҡ тауыҡ.
  9. Бәләкәй генә бүлмәлә
    Утыҙ ике аҡ ҡапсыҡ.
  10. Түңәрәк күлдә алтын таш,
    Ау һалһаң да алынмаҫ.
  11. Кәштәм тулы аҡ шәшке.
  12. Мейес аҫтында аҡ себеш.
  13. Мейес аҫтында утыҙ ике аҡ бәрәс.
  14. Аҙбар тулы аҡ һарыҡ.
  15. Тирбәгәйҙең тирмәне
    Тартҡан онон бирмәне.

Теш төшөү

Беҙ-беҙ, беҙ инек,
Утыҙ ике ҡыҙ инек.
Ике рәткә теҙелдек,
Берәм-берәм өҙөлдөк.