Тәҙрә, тәҙрә ҡапҡастары (йомаҡтар)

1. Өйөм тирәһе дүрт бүре,
   Дүртеһе лә күк бүре,
   Күтәрелде, бәрелде,
   Ике яҡҡа ярылды!
2. Дүрт мөйөштә дүрт бүре,
   Дүртеһе лә күк бүре
   Күтәрелде, бәрелде,
   Шарт-шорт ябылды.
3. Иртә лә шаҡ-шоҡ,
   Кис тә шаҡ-шоҡ.
4. Асыла, ябыла,
   Күк ҡатмаһы ярыла.
5. Иртә киткән һаҡ ҡолағым кис ҡайта.
6. Ҡарағолаҡ кис килә, көндөҙ китә.
7. Шап итте — таба ярылды,
   Шап итте — шәм һүнде.
8. Өй алдында аҡ тана,
   Ҡуш яулығы менән маҡтана.
9. Беҙҙең аҡбай иртәнсәк китә, кис ҡайта.