Эремсектән пирог

Викидәреслек проектынан
Перейти к навигации Перейти к поиску

Әҙерләү ысулы[үҙгәртергә]

Иң тәүҙә ҡамыр баҫырға. Онға разрыхлитель һалып, май менән ыуырға. Уның өҫтөнә шәкәр менән туғылған йомортҡа өҫтәп, ҡамыр баҫырға ла, ярты сәғәткә һыуытҡысҡа ҡуйып торорға. Унан һуң эслек әҙерләргә. Эремсеккә өс йомортҡа, ярты стакан шәкәр, ҡаймаҡ һалып, блендер менән болғатырға. Суфле әҙерләгәндә өс йомортҡа ағына аҙ-аҙлап шәкәр ҡомо һалып, уны ап-аҡ төҫкә ингәнсе күпертергә.

Һыуытҡыстағы ҡамырҙы алып, табаға эслек ағып сыҡмаҫлыҡ формаға килтереп йәйергә. Өҫтөнә эремсек һалып, 180 градусҡа тиклем ҡыҙҙырылған мейескә ярты сәғәткә бешерергә ҡуйырға. Һуңынан өҫтөнә суфле һылап, тағы 15 минут бешерергә. Духовканы һүндергәс, ишеген асып ҡуйырға, пирогты алмаҫҡа: ул шунда һыуынырға тейеш. Ярты сәғәттән өҫтөндә тамсылар барлыҡҡа киләсәк. [1]

Ингредиенттар[үҙгәртергә]

Ҡамыр өсөн[үҙгәртергә]

  • 1 стакан он,
  • бер ҡалаҡ разрыхлитель,
  • 80 г аҡ май,
  • 2 ҡалаҡ шәкәр ҡомо,
  • 1 йомортҡа.

Эслек өсөн[үҙгәртергә]

  • 500 г эремсек,
  • 100 г ҡаймаҡ,
  • 3 йомортҡа,
  • 1 ҡалаҡ манный ярмаһы,
  • 0,5 стакан шәкәр ҡомо.

Суфле өсөн[үҙгәртергә]

  • 3 йомортҡа ағы,
  • 3 ҡалаҡ шәкәр ҡомо.

Һылтанмалар[үҙгәртергә]