Ҡаҙ (йомаҡтар)

Викидәреслек проектынан
Перейти к навигации Перейти к поиску
Greylag Goose (Anser anser).jpg
  1. Ары лап-лап,
    Бире лап-лап,
    Килә кейеҙен ҡаплап.
  2. Ике ҡыҙыл бағана
    Ҡанаттарын ҡағына.
  3. Һыуҙа йөҙә,
    Күктә оса,
    Табынға килә,
    Табаҡҡа менә.
  4. Һыуҙа йөҙә,
    Күктә оса,
    Ерҙә йөрөй,
    Ит менән һыйлай.
  5. Һыуҙа йыуынып алды —
    Өҫтө ҡоро ҡалды.
  6. Ҡыйыҡ-мыйыҡ атлаған,
    Аҡ сәкмәнен ҡаплаған.
  7. Аҡ ҡанат, пак ҡанат,
    Ҡаңҡы-миңке ҡаҡ ҡанат.
  8. Ҡаңҡ итә, ҡуңҡ итә,
    Өҫтәлгә килеп ултырһа —
    Бар ҡайғыңды юҡ итә.