Ҡуян (йомаҡтар)

Викидәреслек проектынан
  1. Талғыр һыйырым тал сәйнәй
    Тал төбөндә бөксәңләй.
  2. Сал тәкәлә мөгөҙ юҡ.
  3. Урмандан сығыр,
    Ялан буйлап сабыр.
  4. Йылына ике тапҡыр тунын алмаштыра
  5. Кәкре ҡайын аҫтында
    Ураҙбикә бөксәңләй .
  6. Йөнө йомшаҡ, үҙе ҡурҡаҡ.
  7. Йәйен һоро, ҡышын аҡ,
    Уға шулай яҡшыраҡ .
  8. Бәләкәс кенә Батыш,
    Ҡайын аҫтында ятыш.
    Шарт итте, ялт итте,
    Шырлыҡҡа инеп юҡ булды.
  9. Әйтәйем бер йомаҡ:
    Йәйен һоро, ҡышын аҡ.
    Ҡыҫҡа ҡойроҡ, ҙур ҡолаҡ.
  10. Әлеге лә баяғы,
    Бар ине пар аяғы.
    Үҙе ҡурҡаҡ, һаҡ була,
    Ҡыш мәлендә аҡ була.
  11. Бер атым бар — мәңге,
    Ҡолаҡтары шәңге.
    Баҙарға илтеп һаттым иһә,
    Давайлайһың динге.
  12. Ботаҡ аҫтында монтоҡ,
    Ҡойроғо сонтоҡ.
  13. Ҡыуылдым-ҡыуылдым,
    Ҡырға килеп быуылдым.

Ҡуян эҙе

  1. Кәкре ҡайын аҫтында
    Хандың ҡыҙы юл һалған.