Һандыҡ (йомаҡтар)

1. Аяҡһыҙ-ҡулһыҙ мал йыя.
2. Аҫлы-өҫлө тирмән,
   Хан килһә лә, бей килһә лә
   Тороп, урын бирмәм.
3. Ике ҡолағын тарттым,
   Түр башына аттым.
4. Дүрт мөйөш, ике теш.
5. Дүрт мөйөш, ике теш,
   Түр башынан төш!
6. Тышы йылтыр, эсе ҡыуыш,
   Күп нәмәләр һалына.
7. Дүрт мөйөшлө,
   Ике ҡолаҡлы,
   Эсе-тышы затлы.
8. Эсе ҡыуыш,
   Тышы тимер,
   Үҙе ағас.
9. Биҙәкле тау эсендә
   Туй бүләге теҙелгән.
10. Сатрашлы күлдәк кейгән,
    Инәйем артынан килгән,
    Атайым түренә менгән.
11. Әсәйемдең асҡысы ла йомғосо.
12. Эсе — һарай, тышы — ҡалай.

Һандыҡ асыу

1. Ҡара һыйырымдың ҡарынын ярҙым.