Һуған

Һуған— бер өлөшлөләр класы ләлә сәскәлеләр ғәиләһенә ҡараған ңҫемдлек.Йәщелсә.

Һуған

Һуған—бик боронғо үҫемлек. Уны кешеләр бик күптән ҡул­ланған. Хәҙер ҙә һуған көн­дәлек ризыҡтарҙан һанала. Һурпалы, итле, картуфлы аш­тарға һуған туралмаһа, ул бик үк тәмле булмай.

Дарыу әһәмиәте

Һуған фитонцидтарға бик бай. Ашҡаҙан-эсәк, тын юлдары, ауыҙ ҡыуышлығы ауырыуҙары ваҡытында һуған бик файҙалы. Ул олоғая башлаған кешеләр­гә айырыуса ыңғай тәьҫир итә.

Бигерәк тә, һалҡын тейгәндә , йүтәл­ләгәндә, бауыр, үт ҡыуығы сирҙәренән, һары ауырыуҙары ваҡытта­рында һуған ҡулланыла.Бал ҡушылған һуған һуты ҡан тамырҙарын таҙарта. Бешкән һуған иҙмәһе шешектәрҙе һура, фурункулдарҙы дауалай.

һуған ҡандың ойошоусанлығын кәметә. Күп ҡан юғалтҡан осраҡтарҙа һуған ҡулланыуҙы сикләргә кәрәк.

Халыҡ медицинаһы шешкән урындарға бешкән һуған ябыр­ға кәңәш итә.

Бынан дүрт мең йыл элек үк һуғанды сәс үҫтереү һәм ны­ғытыу өсөн ҡулланғандар.

Хәҙерге заман фәне һу­ған ҡабығында сәс буяй тор­ған матдә булыуын да асыҡ­ланы.