Һыйыр (йомаҡтар)

Викидәреслек проектынан
  1. Алап менән һәнәк һыуға бара.
  2. Дөбөр-дөбөр дүртәү,
    Төймә ҡаҙай икәү,
    Ғәббәс ҡоҙа япа-яңғыҙ.
  3. Дөбөр-дөбөр дүртәү,
    Илекәй ағай икәү,
    Сәфәр ағай яңғыҙ.
  4. Дөбөр-дөбөр дүртәү,
    Дөрмән ағай икәү,
    Дәүли меҫкен бер үҙе.
  5. Дөбөр-дөбөр дүртәү,
    Беҙ ағайың менән икәү,
    Бисәм бахыр бер үҙе.
  6. Дөбөр-дөбөр дүртәү,
    Ишәй ағай икәү,
    Япай ағай япа-яңғыҙ.
  7. Дөбөр-дөбөр дүртәү,
    Кимкәй ағай икәү,
    Япасағы япа-яңғыҙ.
  8. Алпан-һәлпән,
    Алама сапан,
    Дүрт ҡормалы,
    Кәк(е)ре ҡуллы,
    Яҫы юллы.
  9. Ишек алдында сүмәлә,
    Аҫтында дүрт бағана,
    Алдында ике һәнәк,
    Артында һепертке.
  10. Кәбән,
    Бер яғына һөйәлгән һәнәк,
    Икенсе яғына һепертке.
  11. Ике һөҙгөс,
    Дүрт йөрөгәс,
    Бер һелтәүес.
  12. Дүрт терәүес,
    Ике ҡылыс,
    Бер болғауыс.
  13. Дүрт мыштыр,
    Ике йылтыр,
    Ике тороҡ,
    Бер бороҡ.
  14. Апсыҡ-апсыҡ,
    Алама сапан,
    Дүрт терәүес,
    Бер болғауыс,
    Кәк(е)ре ҡондоҙ,
    Яҡты йондоҙ.
  15. Дүрт терәүес,
    Бер болғауыс,
    Алама сапан,