Өй, мейес, мейестә таба, табала май, майҙа ҡоймаҡ (йомаҡтар)

1. Ағас пулат,
   Ағас пулат эсендә таш пулат,
   Таш пулат эсендә тимер пулат,
   Тимер пулат эсендә түңәрәк күл,
   Түңәрәк күл эсендә һөйәкһеҙ балыҡ.
2. Ағас һарай,
   Ағас һарай эсендә таш һарай,
   Таш һарай эсендә тимер һарай,
   Тимер һарай эсендә ҡулһыҙ ҡурсаҡ уйнай.
3. Ағас,
   Ағас эсендә таш,
   Таш эсендә тимер,
   Тимер эсендә һөйәкһеҙ бала.
4. Таш ҡала,
   Таш ҡала эсендә тимер ҡала,
   Тимер ҡала эсендә һөйәкһеҙ бала.