Мәкле ләүәш

Мәкле ләүәш

Ингредиенттар

• 4 шт. йомортҡа
• 1 ст. шәкәр
• 125 гр. һары май
• 1 стакан шәкәр ҡомо
• 1 аш ҡалағы йомшартҡыс(разрыхлитель)
• 1 стакан он

Әҙерләү

1. Мәкте 5 минут ҡайнатырға ла, һауыттың башын ҡаплап, 20 минут быҡтырып алырға, иләк аша һарҡытырға.
2. Йомортҡа һарыларын шәкәр, май менән туғып алғас, мәкте һәм йомшартҡыс менән ондо болғатып, бергә ҡушырға. Әгәр теләһәгеҙ, сәтләүек менән йөҙөм ҡушырға мөмкин.
3. Йомортҡаның аҡтарын айырым күперткәнсе туғырға һәм, яйлап ҡына, ҡамырға өҫтәргә.
4. Табаны майлап, ҡамырҙы һалырға ла 180 °C тиклем ҡыҙған духовкала 30-40 минут бешереп алырға .
5. Һыуығас, ашарға ҡуйырға.

Аҙыҡ та, дауа ла

100 грамм мәк орлоҡтарында 17,5 г аҡһым, 47,5 г майҙар, 2 г углевод бар. Энергетик ҡиммәте — 505 кКал.

Витаминдарға (В1, В2, В3, В4, В6, В9, C, A, РР, D Е) һәм минераль тоҙҙарға бай (калий, магний, кальций, натрий, фосфор, тимер, баҡыр, цинк, марганец).

Орлоҡтарҙағы майҙар ҡан тамырҙарын ҡатыуҙан һаҡлай. В төркөмөндәге витаминдарҙың күплеге нервы системаһы эшен яҡшырта.

РР витамины ҡан әйләнешен тейешле кимәлдә тоторға ярҙам итә. Аллергияға, диареяға, дерматитҡа ҡаршы торорға ярҙам итә.