Робинзон ашы

Викидәреслек проектынан
Перейти к навигации Перейти к поиску

Робинзон ашы — робинзон салатының күп үҫемлектәре робинзон ашы өсөн дә бик һәйбәт ҡатнашма.

Ингредиенттар[үҙгәртергә]

Ризыҡ әҙерләү[үҙгәртергә]

  • Ҡаҡынан аш. Картуф, кишер һалып бешерелгән һурпаға ҡаҡының йәш һабаҡтарын һәм япраҡтарын турап өҫтәйҙәр. Әҙер булғансы бешерәләр. Ашарға бирер алдынан йомортҡа һәм ҡаймаҡ ҡушалар.

Составы: 140 г картуф, 20 г кишер, 80 г ҡаҡы, 20 г үҫемлек майы, 20 г ҡаймаҡ, 1 йомортҡа, 1/2 йоморо һуған.

  • Дегәнәк япрағынан аш. Әрселгән, туралған картуфты, дөгөнө бешерергә һалырға. Улар бешел сығыр алдынан унда ваҡлап туралған дегәнәк япрағын һәм ҡыҙҙырылған һуғанды өҫтәргә.

Составы: 300 г дегәнәк япрағы, 90 г аҡ һуған, 40 г дөгө май. 200 г картуф, тоҙ борос.

Картуфты бешереп алғас, уға ваҡлап туралған ҡырҡбыуын өҫтәп, ҡайнатып сығарырға. Өҫтәлгә ҡаймаҡ һалып бирергә.

Составы: 300 г ҡыркбыуын емешлеге, 300 г картуф, 40 г ҡаймаҡ, тоҙ.

  • Еҫле балтырған ашы

Ярманы яртылаш бешерергә. Уға үләндәрҙе өҫтәп, 20 минут ҡайнатырға. Бешеп сығыр аццынан ҡыҙҙырылған һуған һалырға. Өҫтәлгә ҡаймаҡ һалып бирергә.

Составы: 100-әр г балтырҙан, мальва, юл япрағы, күгүлән, 40 г һоло ярмаһы, 10-ар г кишер, һуған, май, 40 г ҡаймаҡ, тәмләткестәр.

  • Алабута ашы

Алабута менән һуғанды ваҡлап турап, бешереп алғас, һыуытырға. Ашар аддынан йәшел һуған, ҡыяр, укроп, ҡаймаҡ һалырға. Составы:100 г йәш алабута, 30 г куҙғалаҡ, 40 г йәш ҡыяр, 5 г укроп, 20 г ҡаймаҡ, тоҙ

  • Күгүлән (бәпкә үләне) менән картуф ашы

Картуфты бешерергә, ваҡланған күгүлән менән ҡыҙҙырылған һуған һәм кишерҙе өҫтәргә.

Составы:100 г күгүлән, 100 г картуф, 10 г кишер, 5 г аҡ һуған. 5 г май, тәмләткестәр, 350 г һыу.

  • Кесерткән япрағынан щи

Кесерткән япрағын өс минут ҡайнар һыуҙа тотоп алырға һәм ваҡлап турарға, майҙа 10-15 минут ҡыҙҙырырға. Ваҡлап туралған кишер, петрушка, һуғанды ла майҙа ҡыҙҙырып алырға. Ҡайнап торған һурпаға кесерткән япрағын, ҡыҙҙырылған йәшелсәләрҙе, йәшел һуғанды өҫтәп, 20 — 25 минут ҡайнатырға. Бешеп сығыр аддынан тәмләткестәр өҫтәргә.

Ҡаҙ үләненән, кесерткән япрағынан, юл япрағынан да щи ошо рәүешле әҙерләнә.

Составы:150 г йәш кесерткән япрағы, 50 г ҡуҙғалак, 5-әр г кишер менән әнис, 20 г аҡ һуған һәм 15 г йәшел һуған, 5 г бойҙай оно, 10 г һары май, 15 г ҡаймаҡ, ярты йомортҡа, лавр япрағы, тоҙ, борос.

  • Билсәндән щи

Картуф бешеп сығыр алдынан билсән япрағын, һуған, он, тоҙ, борос өҫтәргә. Өҫтәлгә бирер аддынан киҫәкләп туралған йомортҡа өҫтәргә.

Составы:200 г йәш билсән япрағы, 120 г картуф, 60 г һуған башы, 30 г бойҙай оно, 20 г һары май, 2 йомортҡа, 30 г ҡаймаҡ.

  • Кәкүк емешенән аш

Тәүҙә тары ярмаһын бешереп алалар, һуңынан ваҡлап туралған йәшел япраҡтарҙы, һуған, кишер һалалар. Аш бешеп етәрәк тәмләткес уләндәр өҫтәп, бер аҙ ҡайнаталар.

Составы:160 г кәкүк емеше япрағы, 40 г тары ярмаһы, 20 г кишер, 30 г башлы һуған, 20 г май алына.