16-сы ҙур гонаһ

76 оло гонаһ
Автор: хафиз Шәмсетдин әҙ-Ҙәхәби

16-сы ҙур гонаһ

ЯЛҒАН ШАҺИТЛЫҠ

Аллаһы Тәғәлә әйтә:

"(Аллаһтың ҡолдары) ялған шаһитлык ҡылмаҫтар, буш һүҙ һәм тейешһеҙ нәмәләр эргәһенән үткәндә йөҙ сөйөп үтеүселәр" (Фурҡан, 72).

Ибн Хузәмә менән Ибн Хиббән еткереүе буйынса "Ялған шаһитлыҡ Аллаһҡа ширек ҡылыуға тиң".

Аллаһы Тәғәлә әйтә: "Аллаһтың әмерен хөрмәт менән үтәп, тыйылғандарҙы ҡылмаған һәр кемгә Раббы ҡаршында бик тә хәйерле эш булыр. Харам тнп иғлан ителгән хайуандарҙан тыш (хайуандар) һеҙгә хәләл ителде. Боттарға табыныуҙан һаҡланығыҙ, ялған һөйләүҙән ҡурҡығыҙ" (Хаж, 30).

Хәҙистә әйтелә: "Ялған шаһитлыҡ биреүсегә тамуҡ мотлаҡ тип һаналмайынса, уның аяҡтары урынынан ҡуҙғалмаясаҡ ".

Ялған шаһитлыҡ килтереүсе бер юлы бер нисә башҡа гонаһтар ҙа эшләй:

Алдау һәм яла. "Шик юҡ, Аллаһ хаттин ашҡан ялғансыларҙы тура юлға күндермәҫ" ("Мөьмин", 28). Хәҙистә: "Мосолманға алдашыуҙан һәм хыянат итеүҙән башҡа бөтә холоҡ сифаттары ла хас", - тиелгән.
Ялған шаһитлыҡ биреү яла яғылған кешенең мөлкәте, намыҫы һәм йәне юғалыуына килтерә.
Кешегә зыян килтереү, яла яғыуҙа отош. Сөнки был кеше үҙенә тыйылған мөлкәт хужаһы була һәм шуға күрә лә язаға тамуҡ утына эләгә. Аллаһ илсеһе (саллаллаһу ғәләйһи үә сәлләм): "Әгәр мин бер кешенең (һүҙҙәрен дөрөҫләп) мөлкәте икенсегә күсеү буйынса ғәҙелһеҙ ҡарар сығарһам, икенсе кеше уны алмаһын. Сөнки был аҙым менән мин уга тамуҡтан кейем әҙерләйем "
Аллаһ биргән мөлкәт, ҡан һәм намыҫ һаҡланыуы һәм тыйылыуы тураһында ҡағиҙәләрҙең юҡҡа сығыуы.

Был йәһәттән Аллаһ илсеһе (саллаллаһу ғәләйһи үә сәлләм): "Ниндәй генә мосолман булмаһын, уның намыҫы, мөлкәте һәм ҡаны икенсе мосолман өсөн харам", - тигән. "Ҡайһы гонаһтар иң ҙуры тураһында һеҙгә әйтәйемме?

Аллаһҡа ширек ҡатыу,
Ата-әсәне тыңламау,
Ялған шаһитлыҡ килтереү.

Сәхәбәләр Аллаһ илсеһенең (саллаллаһу ғәләйһи үә сәлләм) был турала шул тиклем күп ҡабатлауы һәм улар түҙмәй: "Эх, ул шымһа ине!" - тип әйтеүе тураһында һөйләй".