40-сы ҙур гонаһ

76 оло гонаһ
Автор: хафиз Шәмсетдин әҙ-Ҙәхәби

40-сы ҙур гонаһ — Әмергә буйһонмау

Әмергә буйһонмау

Аллаһы Тәғәлә әйтә: "Үҙ-ара килешкән вәғәҙәләрегеҙҙе үтәгеҙ. Ул вәғәҙәләрегеҙ тураһында һеҙҙән һоралыр" (Исра, 34).

"Эй һеҙ, иман килтергән кешеләр! Ҡуйышҡан һүҙегеҙгә тоғро булығыҙ!" (Мәидә, 1).

"Аллаһҡа биргән һүҙегеҙҙе үтәгеҙ, нығытҡан антығыҙҙы боҙмағыҙ, сокки һеҙ Аллаһты үҙегеҙ осон шаһит иткәнһегеҙ " (Нәхл, 91).

Аллаһ илсеһе (саллаллаһу ғәләйһи үә сәлләм) әйткән: "Ике йөҙлө кешенең дүрт сифатына эйэ булыусы ысын ике йөҙлө кеше буласаҡ, ә уларҙың берәүһенә генә эйә булыусыла ике йөҙлөлөк сифаты буласаҡ:

Аманатҡа, хыянат итә;
Һөйләгән саҡта алдаша;
Вәғәҙәһенән баш тарта;
Кем менәндер дошманлашһа, саманан тыш ҡылана.

"Ҡиәмәт көнөндә һәр кафыр байраҡ менән булыр, һәм был байраҡ шул хыянатсыныҡы тип әйтеләсәк. Иғтибарлы булығыҙ! Йәмғиәт менән идара итеүсенекенән дә ҙурыраҡ хыянат булмаясаҡ"

Аллаһы Тәғәлә ҡудси хәҙистә әйтә: "Ҡиәмәт көнөндә өс кеше минең дошманым буласаҡ:

Минең хаҡыма тип вәғәҙә биреп, унан баш тартыусы.
Кешене ҡоллоҡҡа һатып, шул аҡсаны ашаусы.
Кешене эшкә яллап, һуңынан уға аҡса түләмәүсе".

Аллаһ илсеһе (саллаллаһу ғәләйһи үә сәлләм) әйткән:

"Кем тамуҡ утынан алыҫлашырға һәм ожмахҡа эләгергә теләй, шул Аллаһка һәм Ҡиәмәт көнөнә иман менән үлһен. Халыҡтан үҙенә нисек мөғәмәлә итеүҙәрен теләһә, шулай мөғәләмә итһен, ҡулы һәм йөрәге менән ант иткән хәлифкә буйһонһон. Ә килеп, уның урынына дәғүә ҡылып талашыусы кешенең башын киҫегеҙ "

"Кем миңә буйһона, шул Аллаһҡа ла буйһонор, кем миңә ҡаршылаша, шул Аллаһҡа ҡаршылашыр. Минең һәм Аллаһтың бойороҡтарына эйәреүсе, минең артымдан да эйәреүсе. Был бойороҡтарға ҡаршылашыусы, миңә лә ҡаршылашыусы".

"Бойороҡ оҡшамаһа, түҙегеҙ, сөнки үҙенең әмиренән бер ҡарыш ситкә китеүселә джәһили үлеме менән үлер".

"Кем йәмғиәттән бер ҡарыш булһа ла ситкә китә, шул ислам менән бәйләнеште өҙөр".

Тәүҙә кешегә ант биреп, һуңынан уға буйһонмауҙан да ҡурҡынысыраҡ нәмә бармы?

Аллаһ илсеһе (саллаллаһу ғәләйһи үә сәлләм): "Беҙгә ҡаршы ҡорал төбәүсе - беҙҙең аранан түгел", - тигән.