Автомобиль (йомаҡтар)

1. «На-а», — тиһәң, атламай,
   «Тр-р», — тиһәң, туҡтамай.
   Бесән һалһаң, ашамай.
   Ҡысҡыра-ҡысҡыра саба,
   Йүгереүҙән бушамай.
2. Дүрт аяғын ат иткән,
   Ике күҙен ут иткән.
   Төнөн йөрөп, ут йотҡан.
3. Аяғы юҡ — йүгерә, ауыҙы юҡ — үкерә.
4. Боро айғырҙы ектеләр,
   Ултырҙылар киттеләр.
5. Һыу эсә, бесән ашамай,
   Үҙе дүрт аяҡлы.
6. Эй, ат саба, ат саба,
   Һығыла билгенәһе.
   Тояҡтары резинка,
   Тимерҙән дилбегәһе.
7. Йөк ташый, тик ат түгел,
   Үҙе йәнле зат түгел.
   Кеше ултырһа — китә,
   Кәрәк ереңә илтә.
8. Атһыҙ йөрөгән арба.