Башҡорт теле/Мәҡәлдәр һәм әйтемдәр/О

Викидәреслек проектынан

О[үҙгәртергә]

  • Ололар араһында ла аҡыл емештәре өлгөрмәгән кешеләр осрай.
  • Оло ҡаҙанда ҡайнаған сей ҡалмай.
  • Оло тулҡын күренгәс тә ишкәкте ҡулыңдан ташлама.
  • Оло эштең ояты юҡ.
  • Оронсоҡ атта ял юҡ
  • Орлоғо Бохарҙа түгел
  • Орлоғона күрә уңышы.
  • Оса алмаған ыласындан файҙа юҡ
  • Осонғандың ҡулынан ҡуян ысҡынған
  • Осорорға ел көслө, көрәшергә ил көслө.
  • Осһоҙ итте эт ашай
  • Осһоҙ ҡаҙыҡ ергә кермәҫ
  • Оҫта — донъя тотҡаһы.
  • Оҫта ҡоралынан билгеле.
  • Оҫта үлһә, ҡулы ҡалыр.
  • Оҫтаның ҡулы башҡа.
  • Оҫтаһына күрә ҡоралы.
  • Оялған туйҙан буш ҡалыр
  • Оялғандың ризығы тар
  • Оялмаған кеше өсөн оялған кешенең йөҙө ҡыҙарыр
  • Оялсан егет йәрһеҙ ҡалыр.
  • Оят барҙа хая бар
  • Оят баш ярыр
  • Оят башҡа файҙа итмәй
  • Оят - оятлы кешегә
  • Оятһыҙҙың күтәне ҡырҡ ҡолас
  • Ояты барҙың намыҫы бар
  • Ояты юҡ ул яман, ғәҙәте юҡ ҡыҙ яман.
  • Ояһында ни күрһә осҡанында шуны эшләр
  • Оялы көсөк көслө була.
  • Ояңа ҡарап ҡанат ҡаҡ.
  • Ояһында ни булһа, осҡанында шул булыр,Илдә түрә кем булһа, законы ла шул булыр.